ما هي طريقة عمل الكرواسون بالجبنة للشيف حسن؟

Question

طريقة عمل الكرواسون بالجبنة للشيف حسن

Answer 1

ما هي طريقة عمل الكرواسون بالجبنة للشيف حسن؟

المقادير

العجينة

• كيلو دقيق(5 كوب دقيق)

• ملعقه خميرة فوريه(25 جم)

• ربع ملعقه محسن خبز او خل(5 مل)

• 2 ملعقه لبن بودر(50 جم)

• ملعقه سكر(25 جم)

• نصف كوب زبدة مكعبات(100 جم)

• 2 بيضه

• 2 ونصف كوب ماء مثلج(500 مل)

• نصف ملعقه ملح(10 جم)

• 2 كوب زبدة نباتى او زبدة حيوانى على شكل بلوك(400 جم)

سائل التلميع

• 2 اصفر بيض

•  سكر

•  فانيليا

• ملعقه قهوه مركزه(25 جم)

• كوب لبن(200 جم)

طريقه التحضير

العجينة

1. فى الميكسر نضع دقيق وخميرة ولبن بودره ومحسن وسكر وزبدة ونخفقهم مع بعض وفى بوله نخلط ماء وبيض ونضيفهم على الخليط السابق ونخفقهم مع بعض حتى الحصول على عجينه سهله طريه ونضيف ملح ونخفقهم مع بعض حتى تجانس الخليط, ونضعها فى بوله ونغطيها ونسيبها تخمر لمدة نصف ساعه فى مكان دافئ

2. على الرخامه نرش دقيق ونفرد العجينه بالنشابه بسمك متوسط ونشيل من عليها الدقيق ونضع فيها الزبدة بلوك ونقفلها على شكل ظرف ونفردها بالنشابه تانى ونعملها على شكل ظرف ونرش دقيق ونفردها بالنشابه ونشيل بواقى الدقيق ونعملها على شكل ظرف ونفردها بالنشابه تانى ونعملها على شكل ظرف ونرش دقيق ونفردها بالنشابه ونشيل بواقى الدقيق ونعملها على شكل ظرف( لازم نعملها ونفردها 4 مرات ولازم بين كل مره نفرد فيها ترتاح فى الثلاجه لمدة ساعه على الاقل) ونفردها بالنشابه بسمك متوسط ونقطعها مثلثات ونلفها من القاعده على راس المثلث
   ( ممكن نحشيها جبنه وجبنه شيدر ونقلبهم مع بعض نضع ملعقه من الجبنه ونلفها من قاعده على راس المثلث. وممكن نحشيها لحوم بارده فى بوله نخلط لانشون فراخ ولانشون لحمه وسلامى ونقلبهم مع بعض نضع ملعقه من الحشو ونلفها من قاعده على راس المثلث. وممكن نحشيها شيكولاته ونلفها من قاعده على راس المثلث, وممكن نحشيها كاسترد نضع ملعقه من الكاسترد ونلفها من قاعده على راس المثلث او نسيبها ساده ونلفها من قاعده على راس المثلث او نحشى زعتر وزيت ونقلبهم مع بعض ونضع ملعقه من الزعتر ونلفها من قاعده على راس المثلث)(لازم نشيل اى بواقى دقيق قبل وضع اى حشو)

3. ونجيب صاج ونرش فى دقيق ونرص فى الكرواسون ( لازم يكون فى فرق بين كل واحده والتانيه علشان التخمير) ونضعه فى مكان دافئ يخمر ويتضعف حجمه ويكون شكله على شكل هلال او على شكل ورده

4. فى بوله نخلط بيض وسكروفانيليا وقهوه مركزه ولبن ونخفقهم مع بعض ونلمع بيهم الكرواسون بعد ما يخمر ونرش عليه حبه البركه او جبنه رومى او شيدر مبشورة او شيكولاته حبوب او مبشورة

5. وندخل الصاج الفرن على 190 درجه لمدة 25 دقيقه

6. ويقدم

المصدر : موقع إقرأ