كلمات شيلة ياروح روحي وش اللي جاك كامله
ياروح روحي وش اللي جاك *** عنيتني فوق مافيني
واوجد حالي على فرقاك *** وش له تروح وتخليني
احسبك تمزح علي بحكاك *** الين منك بكت عيني
حتى اسمي اسمعه عند دعاك *** ولا انت مقفي ما توحيني
مع الزمن ما قويت انساك *** ياليت وقتي ينسيني
صوت المر عوّد بذكراك *** والغيم كنه يداريني
يلوح برقك وينثر ماك *** ولا عاد رويت بساتيني
غايتك طالت وطال مناك *** واضميتني كيف ترويني
قدرت في صدتك ماقواك *** ونسيت مابينك وبيني
الله على غربتك يجزاك *** والله من الناس يغنيني
ضيّقت بالي يا عود الراك *** غديت من فقري وديني
من أوله عارفٍ مبداك *** وشوفتك عندي تكفيني
واليوم مانعترف بأسماك *** ولابغاك تاخذ وتعطيني
الحب جابك وجاب أقصاك *** ياللي على البعد مقصيني
في وسط دارك تطول خطاك *** وعلى الشقا ليه تحفيني
مافيه شيٍ معي يخفاك *** وما عاد به من يسلّيني