حامل بس بعاني من الطفرة الجينية مثفر mthfr.. خايفة قوي إن لا قدر الله الحمل مايكملش أو يكون في خطر على البيبي.. أرجوك تطمني يا دكتور” الطفرة الجينية مثفر mthfr دي خلل شائع جداً لدرجة إنه ممكن يبقى عندنا ومانبقاش عارفين.. وإنه ممكن 1 من كل 4 أفراد ممكن يكون مصاب به.. لكن خطره بيظهر لما بيحصل حمل. مثفر ده جين بيساعد الجسم على امتصاص حمض الفوليك اللي مسئول بشكل تام عن تكوين الأعصاب والمناعة والأوعية الدموية.. لما الجين ده بيحصل له خلل بتقل قدرة الجسم على امتصاص الفوليك أسيد وبالتالي ده بيأثر على الأم والجنين وقت الحمل زي الإجهاض المتكرر بسبب ارتفاع تخثر الدم، أو وجود عيوب خلقية في بعض الأحيان.